Реал Мадрид сезонава има неверојатни проблеми со повредени играчи, главно играчи од задната линија.
Последна во низата повреди што го снајде кралскиот тим е онаа на Лукас Васкес, кој се повреди на градското дерби со Атлетико во саботата навечер.
Васкес, кој игра на позицијата десен бек, ќе го пропушти натпреварот од плеј-офот од Лигата на шампионите против Манчестер Сити кој се игра во вторник и со тоа само го прошири списокот со повредени играчи на Реал.
Покрај Васкес, на списокот се и Антонио Ридигер, Дани Карвахал, Едер Милитау и Дејвид Алаба - сите стандардни членови на одбранбената линија на Реал.
🚨 Real Madrid defenders OUT vs Manchester City:
— Madrid Zone (@theMadridZone) February 9, 2025
❌ Dani Carvajal
❌ Lucas Vazquez
❌ Éder Militão
❌ David Alaba
❌ Antonio Rüdiger
❌ Real Madrid will now play at Etihad without a starting CB and RB. pic.twitter.com/eZoKRkVzAJ
Против Атлетико одбранбената линија ја сочинуваа Фран Гарсиа како лев бек, централните бекови Орелјан Чуамени и Раул Асенсио, додека десно беше Васкес. Сега по којзнае кој пат сезонава улогата на десен бек ќе ја има Федерико Валверде, инаку централниот играч за врска на тимот предводен од Карло Анчелоти.
Натпреварот Сити - Реал се игра во вторник од 21 часот на стадионот „Итихад“, а реваншот меѓу овие ривали во плеј-офот за Лигата на шампионите ќе се одигра осум дена подоцна на „Сантјаго Бернабеу“ во Мадрид.
