Невидено и нехумано: На Лајлс му дозволија да трча со ковид, па го изнесоа во количка

Каде оди светов? Неверојатно е што здравствената комисија на Олимписките игри му дозволи на Американецот Ноа Лајлс да ја истрча последната трка на 200 метри иако се знаеше дека е позитивен на коронавирусот COVID-19, пишуваат американските медиуми.

Светскиот и олимписки шампион на 100 метри вчераутро не се појави во штафетата на САД на 4х100 метри. Се мислеше дека намерно го прескокнува полуфиналето, за да биде свеж за последната трка на 200 метри. Но, всушност бил позитивен на коронавирусот. И неверојатно е што, пред сѐ, не се мисли на неговото здравје, а потоа на безбедноста на останатите натпреварувачи, бројни спортисти покрај кој помина, луѓе од организацијата и му беше дозволено да трча.

Имаше маска на лицето до почетокот на трката. И не успеа да ги обедини титулите, без разлика што на презентацијата излезе последен и скокајќи ја подигна атмосферата. Дојде до третото место и се струполи на целта. А, пред да се струполи се изгушка со победникот Тебого и сребрениот Беднарек.

Ковидот го собори, лекарите му пружаа прва помош, а потоа го изнесоа од арената во инвалидска количка.

Што би се случило ако му откажеше срцето, кој би ја презел вината? Скоро две години светот беше во „балон“ поради пандемијата на коронавирусот, луѓето беа затворани во своите домови, беа во изолација, не можеше да се патува без вакцинација, стотици илјади починаа.

Нереално, нехумумано, необјасниво, и не во духот на олимпизмот „важно е да се натпреваруваш“...

А, победник беше момчето од Боцвана, Лециле Тебого , кој по златото на прес-конференцијата ја кажа суштината на натпреварувањето: „Не можам јас да бидам лице на атлетиката заетоа што не сум арогантна или галсна личност како Ноа“.