Директорот на Беоком Сервисот, Дарко Главаш, за српските медиуми вели дека Белград утрово се најде под вода, откако во текот на силното невреме за еден час се забележани врнежи од 22 до 25 литри дожд.
Сликите од потопени улици и забавен сообраќај ги преплавија социјалните мрежи, а како што вели Главаш ситуацијата сега е под контрола.
На терен, според неговите зборови, биле испратени 13 специјализирани возила за средување на канализацијата, 14 големи камиони кои го собираат отпадот кој водата го однесе со себе, како и 30 возила со работници со исцрпни пумпи.
Вкупно, како што вели Главаш, ангажирани се 140 луѓе кои работат на подобрување на состојбата на белградските улици.
Врнежите кои утрово ја зафатија српската престолнин, според количината на водата која во краток временски период се најде на улиците во главниот град, споредени се со големите поплави кои го зафатија Белград во мај 2014 година.
