New York Times објави текст со наслов „Овој Вимблдон е на Новак Ѓоковиќ. Не превртувајте очи“.
Авторот на текстот Курт Стритер го споредува Ѓоковиќ со Марк Ротко, сликар од правецот апстрактен експресионизам.
„Ја усоврши рамнотежата, работата со нозете, подготовката, многу повеќе од кој било друг во историјата на тенисот. Федерер го има грациозниот уметнички пристап на Рембрант, тенисот на Надал наликува на удари со левата рака во боксот, но вреди да се спомене дека и играта на Ѓоковиќ си има своја убавина. Ниту еден врвен играч не е толку флексибилен како тој, може да игра на секаков терен“, вели Стритер.
Тој е различен од Федерер и Надал во секој поглед, вклучувајќи го фактот дека не потекнува од богатите земји како што се Швајцарија и Шпанија, туку од една земја во која навивачите не можат да се пронајдат ниту на мапа, вели новинарот.
Тој им се обрати на сите оние коишто го оспоруваат светскиот рекет број 1.
„За сите оние коишто го мразат, сето ова е една горчлива пилула којашто мора почесто да ја голтаат. Новак сега има предност во меѓусебните дуели. Од 2011 година освои 18 Грен слемови, седум повеќе од Надал и 14 повеќе од Федерер“, пишува Стритер.
„Ако продолжи вака, Новак повторно ќе го крене шампионскиот пехар, а тоа е уште еден укор за оние коишто одбиваат да прифатат дека тој е највозбудливиот играч во овој спорт“, заклучува новинарот.