Голманот на Реал, Андриј Лунин, ќе остане во клубот до крајот на сезоната, што во неговиот случај значи и до крајот на договорот. Тој потоа ќе го напушти „Сантјаго Бернабеу“ како слободен играч, што значи дека клубот нема да профитира од неговото заминување.
Украинецот беше прв голман на клубот во минатата сезона, но враќањето на Тибо Куртоа по повредата и операцијата на менискусот на десното колено значи дека тој се врати на клупата, што го докажа почетокот на сезоната.
Белгискиот голман е меѓу стативите, а незадоволниот Лунин е резерва. Шпанските медиуми пишуваат дека Реал е подготвен да се откаже од него за ни помалку ни повеќе туку 20 милиони евра, но и дека нема понуди за него.
Според овие извори, Лунин донел одлука да го раскине договорот, што значи дека на крајот од сезоната ќе биде слободен играч и ќе може да преговара за подобри услови. Со заинтересираните клубови голманот ќе може да преговара во јануари.
Transfermarkt го проценува на 25 милиони евра.
25-годишниот Лунин пристигна во Реал во 2018 година во трансфер вреден 8,5 милиони евра од редовите на Зорја. За Украина има 13 настапи и му е резерва на Анатолиј Трубин.
