Барселона го победи Динамо Киев со 2:1 во третото коло од Лигата на шампиони, а еден од стрелците беше Лионел Меси од пенал во петтата минута, за кој самиот се избори.
Украинците „покосени“ од коронавирусот пристигнаа во Барселона со само 13 играчи и им се заканија на Шпанците неколку пати, но немаа сили за големо изненадување.
Шпанските медиуми не се воодушевени од играта на Барса, а El Larguero објави видео од незаинтересираниот Лионел Меси кој не се ни потруди да потрча додека гостите го градеа нападот.
Капитенот на Барселона немо и и без грам ангажираност гледаше како играчите на Динамо тргнуваат во напад, додека одеше близу центарот на теренот. Не сакаше ниту да потрча, а не па да влезе во дуел. Останува прашањето дали ова се должеше на упатствата на тренерот Роналд Куман или дали Меси е навистина целосно незаинтересиран да ѝ помогне на одбраната.
Неговото однесуање не остана незабележано и од фановите кои своите мислења масовно ги искажаа на социјалните мрежи.
Фрустрациите на Меси не се резултат само на лошите резултати, а веројатно и фактот дека тој беше принуден да остане во клубот и покрај јасно изразената желба да си замине, туку и на неговата неефикасност. Оваа сезона има постигнато четири гола на осум настапи и само еден на шест натпревари во Ла Лига.
Да потсетиме, Меси беше близу да ја напушти Барселона, каде игра целата негова кариера. Лут на лошото управување на клубот, тој во август го извести клубот дека заминува, но во пресрет на почетокот на сезоната се случи пресврт, па тој реши да остане (барем) уште оваа сезона.