Роџер Федерер го освои Мастерсот во Шангај откако после два сета успеа да го добие својот голем ривал Рафаел Надал со 6:4, 6:3.
Ова беше 38 меѓусебен натпревар на двајцата тениски великани, а Швајцарецот успеа да ја забележи 15 победа за само нешто повеќе од 70 минути игра.
Со овој триумф Федерер ја освои шестата титула во сезоната со што се изедначи со Надал и 94 титула во целата своја кариера.
Швајцарецот започна подобро уште од почетокот правејќи брејк уште во првиот гејм. До крајот на сетот го остави Шпанецот без шанса и го заврши со 6:4 во своја корист.
Првиот сет не беше толку интересен, па навивачите го очекуваа тоа од вториот сет. Сепак, голема борба не добија бидејќи Роџер беше повторно феноменален.
Надал немаше никакви шанси, а притоа и не играше на своето препознатливо ниво.
Швајцарецот на крајот сосема заслужено дојде до триумф и титула во Шангај.