Во Tesla нема протекции за членовите на семејството на првиот човек на компанијата, па така, мајката на Елон Маск мора да чека на ред за испрака на новиот автомобил.
Новиот Model 3 почна да се произведува летово, а во изминативе 15 месеци додека Tesla примаше нарачки од потенцијалните купци, бројот на муштерии кои чекаат испорака на нивниот автомбил се искачи над 400.000.
Меѓу нив е и мајката на Елон Маск, Маје, која во разговор за „New York Times“ откри дека ни таа нема привилегии и дека ќе мора да чека со месеци за да го повози автомобилот што го нарачала.
„Уште го немам добиено мојот Model 3. Пред мене на листа на чекање има 300.000 луѓе, па ни со добри врски не успеав да дојдам преку ред“, вели таа.
Маје не е вработена во Tesla, што ќе ѝ овозможеше да дојде до автомобилот преку ред, па ќе мора да чека како и ссите други.
Мајката на Елон Маск, која работи како модел и нутриционист, живее во близина на фабриката на Tesla во Фримонт и често се појавува на настани со синот.