Рокерот Ник Кејв откри дека само што го завршил новиот албум со групата „Д бед сидс“, што ќе биде, според познатиот австралиски музичар, потполно неверојатен.
„Речиси сме завршени со работа на новиот студиски материјал. Според мене, ќе биде потполно неверојатен. Многу сум возбуден за новиот албум“, изјави Кејв.
Уште во септември лани неговата сопруга Сузи Бик потврди дека бендот почнал да работи на новиот материјал во Лос Анџелес.
„Понекогаш Ник ги потпевнува своите песни во сон“, рече таа тогаш.
Кејв неодамна ја откри и неговата листа на омилени песни и музичари, а на врвот се најдоа Брајан Ино, Нил Јанг и Нина Симон.
Последен студиски албум на Ник Кејв и „Д бед сидс“ е „Skeleton Tree“ од 2016 година.