Италијанецот Андреа Канцијани без да знае освои џекпот кога нарача пар „Reverse Shattered Backboard“ Nike Air Jordan I директно од компанијата. Кога патиките пристигнаа, тој забележи една огромна маана: знакот на Nike беше поставен наопаку.
Обично кога ќе се случи фабричка грешка производот ја губи вредноста и тоа предизвикува негативен публицитет за компанијата. Но, Nike не е било која компанија.
Кога се работи за патики, одредени фабрички грешки можат драстично да ја зголемат вредноста на производот. Таков беше случајот со парот кој го купи Андреа Канцијани. Неговите патики со знак наопаку ќе бидат ставени на продажба во продавницата Dropout Milano, а ќе бидат регистрирани по цена од 125.000 евра (146.000 долари).
Ова не е ниту првиот пат да се случи истото. Имено, на почетокот на оваа година еден американски љубител на патики го купи истиот модел – Air Jordan I, но во златна наместо портокалова боја. Едната патика имаше нормален знак, а на другата знакот ѝ беше свртен наопаку. Тој успеа да ги продаде патиките за 96.000 долари.
Патиките ќе почнат да се продаваат набрзо, а доколку сте заинтересирани можете да им пишете на одговорните во продавницата Dropout Milano на нивниот Instagram профил.