Обичен турнир во џудо за јуниори се превори во масовна тепачка во која учествуваа најмалку 50 луѓе.
Инцидентот се случи во спортска сала во Дагестан, а се тепаа и гледачите во публиката и спортистите на натпреварот, а сѐ почна со провокативни коментари.
Како дојде до тепачката во родниот крај на ММА легендата Хабиб Нурмагомедов раскажа еден од тренерите кој бил во салата.
Според него, вербалниот конфликт на трибините прераснал во физички и почнале да се вмешуваат сѐ повеќе и повеќе присутни. За кратко и борачите се приклучиле во тепачката.
Удари летале на сите страни меѓу двете групи противници – на едните не им се допаѓала „здодевната борба“, а на другите исмејувачките коментари.
По инцидентот, натпреварувачите наместо да добијат медали, им се заканува дисквалификација. Истото важи и за нивните тренери.
