Аргентинскиот напаѓач Пауло Дибала (28) синоќа тешко се прости од Јувентус кога го отстапи своето место на теренот во 78. минута од натпреварот од Серија А против Лацио (2:2).
Дибала претходно одби да го продолжи договорот со Јувентус бидејќи не му се допаднале предложените услови, па летово ќе ја смени средината како слободен играч.
По последниот свиреж на судијата, Аргентинецот се гушеше во солзи, соиграчите се обидуваа да го смират и навистина не се памти некој толку емотивно да го доживеал напуштањето на клубот.
Ова е особено импресивно откако се знае дека тој не стартуваше во Јувентус, туку дека во торинскиот клуб пристигна во 2015 година од Палермо.
Пред тоа настапуваше за аргентинскиот Институто, а во претходните седум сезони беше еден од предводниците на „Старата дама“ за која одигра 291 натпревар.
Постигна 115 гола, беше миленик на навивачите, а во последните две сезони имаше многу проблеми со повреди.
Дибала моментално е на мета на многу европски фудбалски клубови, а навивачите на Јувентус сигурно не би сакале да заврши во редовите на еден од најголемите ривали - Интер.