При изборот на нијанси на облека, најчесто се потпираме на омилените бои, трендови или тонови кои најмногу ни одговараат, но сите се согласуваат дека е добро одвреме-навреме да експериментираме и да излеземе од зоната на удобност.
Доколку оваа година одлучивте да бидете посмели кога се боите во прашање, добро е да знаете кои нијанси ќе доминираат на градските улици.
Ако сепак не сте доволно храбри да зачекорите во светот на боите, можете да го освежите вашиот стајлинг со секогаш добредојдени детали како што се шалови, ракавици, капи, чанти, чевли...
Ви носиме моден водич за тоа кои бои излегувата од мода во оваа 2022 година и кои ќе ги заменат:
Виолетова наместо темносина
Pantone веќе објави дека бојата за 2022 година е Very Peri, прекрасна светлосина боја проткаена со нежна виолетова нијанса. Затоа, не е ни чудо што оваа боја полна со надеж е апсолутно присутна и во претстојната модна сезона и ја заменува темносината.
Сите нијанси на розова, наместо тревна зелена
Ако 2021 година беше година обележана со зелена боја, оваа година сè ќе биде во розова боја - од нежно пудра розова до богата фуксија. Розовата е шик, елегантна и кул во исто време. И не грижете се: сепак ќе видиме многу зелено.
Нежно жолто наместо неонско жолто
Нежниот, путерастичен тон изгледа особено лежерно во комбинација со сина и бела - на пример со фармерки и маичка - и станува совршена комбинација на облека за топлите денови.