Холивудската актерка ја откри тајната чувана 14 години во интервју со ќерката на Кравиц.
После бракот со Том Круз и пред средбата со сегашниот сопруг, кантри пејачот Кит Урбан, Никол Кидман била свршена за уште еден маж.
Славната актерка во едно неодамнешно интервју ја откри оваа тајна за нејзиниот љубовен живот што ја чувала 14 години, објави Cosmopolitan.
Иако во јавноста веќе беше познато дека пред да се омажи за Урбан, Кидман била во врска со музичарот Лени Кравиц, сега прв пат се откри дека биле свршени.
Во интервјуто со ќерка му Зои Кравиц, актерката вели: „Зои ја знам од порано, бев свршена со татко ѝ. Сè друго останува во семејството“.
Веста ги изненади нејзините обожаватели, особено поради фактот дека актерката успеала толку долго време да ја дочува тајната.
