Славната австралиска актерка Никол Кидман драстично го промени изгледот за потребите на снимањето на „Destroyer“, филм во кој глуми уморна и истрошена детективка.
Кидман ја толкува улогата на Ерин Бел, детективка чие минато со години ја прогонува по инфилтрирањето вo криминална банда како дел од тајна операција.
„Целосно се поставив во позиција на ликот кој го толкувам. Ги чувствувам болката и тагата на Ерин Бел. Мислам дека во овој лик се наоѓа најмногу бес од било кој друг женски лик кој сум го гледала на екраните“, изјави Кидман.
Засега, критиките за филмот и изведбата на Кидман се позитивни, а токму критичарите го опишаа нејзиниот изглед како скоро непрепознатлив, пренесува Reuters.
