Никол Кидман за улогата во новата серија „Roar“ има нова фризура, па ги изненади фановите откако објави фотографија од снимањето.
Кидман ќе глуми во серијата со Синтрија Ериво, Мерит Вевер и Алисон Бри. Серијата е правена според истоимената книга со кратки раскази на писателката Сесилија Ахерн.
Серијата ќе има осум епизоди кои ќе траат по половина час, а секоја епизода ќе биде раскажана од женска перспектива, пишува Daily Mail.
Книгата е збирка од 30 кратки приказни кои детално ги опишуваат различните искуства и проблемите во животот на жените.
Актерката во последно време беше ангажирана во многу серии, меѓу кои е и „Nine Perfect Strangers“ која се снимаше на почетокот на оваа година. Исто така ќе глуми во „Being The Ricardos“, новиот биографски филм на Арон Соркин.
