Никол Кидман е една од многуте актери, режисери и продуценти кои споделија листа на нивните омилени филмови со Letterbox.
Тимот на Letterbox ја запре актерката на црвениот тепих и ја замоли да ги сподели четирите омилени филмови, а таа имаше подготвен одговор, иако се пошегува дека да избере само четири филма е „сурово“.
Како нејзини четири омилени филмови Кидман ги издвои Clueless од 1995 година, The Piano Teacher од 2001 година, Piano од 1993 година и A Woman Under the Influence од 1974 година.
Clueless е тинејџерски комедија од 1995 година, напишан и режиран од Ејми Хекерлинг. Филмот останува популарен кај публиката години подоцна, и ја следи површната, богата и популарна Шер (Алиша Силверстон) која е на врвот на нејзината средношколска хиерархија во Беверли Хилс.
Сметајќи се себеси за експерт за спојување парови, Шер прво убедува двајца професори да одат на состанок. Охрабрена од нејзиниот успех, таа решава целосно да ја трансформира несмасната нова студентка Таи (Британи Марфи). Но, кога Таи станува попопуларна од неа, Шер сфаќа дека нејзиниот скептичен поранешен полубрат (Пол Рад) бил во право кога ги посочил нејзините заблуди, и во тој процес таа се заљубува во него.
Еротската психолошка драма The Piano Teacher од 2001 година е во режија на Михаел Ханеке и е заснована на истоимениот роман од 1983 година на Елфриде Јелинек.
Професорката по пијано Ерика е во нејзините рани четириесетти и сè уште живее дома, заробена во животот со нејзината мајка, чие влијание успева да го избегне само при редовните посети на киното каде што гледа порно филмови. Нејзината сексуалност е обликувана од морбиден воајеризам и мазохистичко самоповредување. Ерика и животот одат по својот пат. Сè додека еден ден еден од нејзините студенти не реши да ја заведе.
Драмата The Piano од 1993 година е напишана и режирана од Џејн Кемпион, а во нејзиниот коментар зошто го избрала овој филм, Никол Кидман едноставно рече: „Поради Џејн“. Сместен во текот на 19 век, ги следи немата пијанистка Ада Мекграт (Холи Хантер) и нејзината ќерка Флора (Ана Паквин) кои се оставени со сите нивни работи, вклучително и едно пијано, на плажа во Нов Зеланд по патувањето од Шкотска.
Ада, која е нема од детството, е продадена за брак со локален човек, Алисдер Стјуарт (Сем Нил). Не покажувајќи никаков интерес да се зближи со него, таа наскоро станува фасцинирана со неговиот пријател Џорџ Бејнс (Харви Кајтел).
A Woman Under the Influence е американски драмски филм од 1974 година, напишан и режиран од Џон Касаветес. Во филмот глумат неговата сопруга Џена Роландс и блискиот пријател Питер Фалк. Приказната ја следи очајната и осамена Мејбел Лонгети (Роуландс), која е во брак со Ник (Фалк), градежен работник во Лос Анџелес.
Сè повеќе нестабилна, особено во друштво со други, таа очајно копнее по среќа, но нејзиното крајно непредвидливо однесување го убедува Ник дека таа претставува закана за нивното семејство. Ник одлучува да ја стави својата сопруга во институција на шест месеци. Оставен сам со три деца за одгледување, тој со нетрпение го чека нејзиното враќање, но тоа носи повеќе изненадувања отколку што очекуваше.
