Nikola Motor Company е компанија од Јута, која сака да прави теренци и камиони што ќе користат електричен погон, а кога веќе било зафатено презимето Тесла, се одлучиле за името Никола. Компанијата неодамна ги објави двата први модели - теренецот Nikola Zero кој има домет од 200 километри и Nikola One - камионот кој изгледа одлично и користи само електричен погон.
Големиот камион користи турбина за да ја полни батеријата од 320KWh и има домет од 1930 километри. Купувачите можат да одберат различни верзии во зависност од горивото за турбината. Во внатрешноста има голем екран на допир, слично како кај Tesla, со кој може да се контролираат различните функции.
Она што е посебно интересно е што камионот има дизајн како да е излезен од некој футуристички филм и дефинитивно се разликува од сите останати камиони на патиштата во моментот, пишува Wired.
Сепак, двата модела се уште не постојат, но можат да се резервираат преку сајтот на компанијата. Моделот Zero ќе чини 42.000 долари, додека камионот One ќе чини 375.000 долари. Секако компанијата прво мора да направи прототипи и да ги тестира своите идеи, па дури потоа да ги пласира на пазарот.