Министерот за здравство и вицепремиер во владата на ВМРО-ДПМНЕ, Никола Тодоров пред малку објави дека се откажува од пратеничката функција.
„Имајќи предвид дека планирам во иднина повеќе да се посветам на мојата основна професија како адвокат, како и да можам да дадам поголем придонес во партиските активности, дозволете ми да Ве информирам дека одлучив да поднесам оставка на функцијата пратеник во Собранието на Република Македонија“ напиша Тодоров на својот Facebook профил.
Oваа одлука Тодоров ја донел уште пред десетина дена и му ја соопштил на лидерот на ВМРО-ДПМНЕ, Никола Груевски.
Тодоров во 2009 беше назначен за функцијата Министер за образование и наука, а од 2011 ја вршеше функцијата Министер за здравство.