Голманот на Рома, Алисон, е прв кандидат за нов чувар на мрежата на шпанскиот гигант Реал Мадрид, објави денеска „Мундо Депортиво“.
Веќе долго време се споменува дека Флорентино Перез и ова лето ќе тргне по Давид Де Геа, после неколку неуспешни обиди да го доведе Шпанецот во своите редови, или пак по Тибо Куртоа, кој исто така е одличен во дресот на Челзи, но според најновите информации нов приоритет за голманската позиција на Реал е Алисон.
Европскиот првак наводно на неколку натпревари веќе испратил свои скаути да го следат Бразилецот, а тие се вратиле со задоволувачки извештаи, според кои Алисон ги задоволил критериумите за да стане нов член на „Кралевите“.
Алисон воедно е и поевтина опција и од Шпанецот и од Белгиецот, што е уште една причина зошто голманот на Рома и е интересен на Мадриѓаните.
„Мундо Депортиво“ тврди дека е можно и Реал Мадрид интересот за Бразилецот да го искористи, со цел да го обезбеди потписот на еден до споменатите двајца голмани.
