Поминаа 12 години откако компанијата го претстави легендарниот модел 370Z, а сега го објавија неговиот наследник.
По многу рендери и гласини, од Nissan со тизер го најавија новиот спортски автомобил. Видеото кое е објавено на YouTube каналот на Nissan го покажува асортиманот на новите модели кои ќе се појават во наредниот период.
Планот на компанијата е да претстават 12 модели во наредните 18 месеци, а еден од нив ќе биде и наследникот на моделот 370Z.
Сè уште нема детали за моделот Z, но гласините велат дека ќе ја носи ознаката 400Z. Ќе го придвижува 3,0-литарски V6 мотор кој ќе развива 400 коњски сили. Во понуда ќе бидат мануелен и автоматски менувач.
