По малку неочекувано, првиот телефон со револуционерната 5G технологија пристигна во Европа, но тој не е ниту Samsung, ниту Huawei. Се работи за Oppo Reno 5G, кој премиерно беше претставен во Швајцарија.
Поврзувањето преку 5G мрежата конечно пристигна и во Европа. Иако на почетокот оваа мрежа нема да работи во полн капацитет, сепак ќе биде побрза од постоечката 4G мрежа.
Пред неколку недели во Јужна Кореја, Samsung го претстави првиот уред со 5G технологија на пазарот, а веднаш по него се појави и моделот на OnePlus, компанијата што потпиша договор со британскиот оператор EE. Ама Oppo ги претекна сите конкуренти и стана првата компанија која претстави свој уред со 5G технологија на европскиот пазар.
Швајцарскиот оператор Swisscom во својата понуда од месецов ќе го има и моделот Reno 5G на кинеската компанија Oppo. Телефонот пристигнува на пазарот со телефото камера со десеткратен оптички зум, 6,6-инчен AMOLED екран и 256GB внатрешна меморија, а ќе чини 880 евра.
Покрај тоа, Reno 5G ќе има процесор Qualcomm Snapdragon и 8GB RAM. На задната страна се наоѓа систем од три камери - стандардна леќа од 48MP, ултраширока леќа од 8MP и телефото леќа од 13MP. Телефонот има батерија со капацитет од 4.065 mAh и поддржува брзо полнење.
Swisscom на нивните потрошувачи ќе им понуди 5G мрежа со брзини до 2Gbps, а корисниците за оваа брзина ќе плаќаат по 9 евра месечно. За споредба, стандардната брзина на 4G е 100Mbps.
