Најсилната светска хокеарска лига во светот и Националната асоцијација на играчи на лигата (НХЛПА) постигнаа прелиминарен договор за планот за продолжување на сезоната.
Поставени се следните датуми: 13 јули - почеток на официјалниот камп за тренинг; 26 јули - клупски патувања во градовите домаќини; 1 август - почеток на квалификациската рунда. Прелиминарниот договор во моментов е одобрен од одборот.
Покрај тоа, беше договорен меморандум за разбирање, кој додава дополнителни четири години на терминот на овој колективен договор и вклучува правила за трансфери и нов календар на критични датуми.
НХЛ лигата беше прекината во март поради пандемијата на коронавирус. Продолжението ќе биде во скратен формат со најдобрите 12 тимови од двете конференции кои ќе играат во Стенли Куп разигрувањето. Тимовите пласирани од 5. до 12. место ќе играат квалификации, а првите 4 од секоја конференција директно обезбедија пласман. Табелата беше направена со вадење просек на освоените бодови и одиграните натпревари бидејќи не сите тимови имаа ист број на одиграни натпревари до моментот на прекинот.
Екипите кои директно се пласираа во плеј-офој ќе играат помеѓу себе за да одредат од која стартна позиција ќе настапат во разигрувањето.
Ќе играат по принципот во група секој со секого. На Истокот во групата се Бостон Бруинс, Тампа Беј Лајтнинг, Вашингтон Капиталс и Филаделфија Флаерс, додека на Запад тоа се Сент Луис Блуз, Колорадо Аваланш, Вегас Голден Најтс и Далас Старс.
Источна конференција квалификации:
Питсбург Пенгуинс (5) - Монтреал Канејдиенс (12)
Каролина Хјурикејнс (6) - Њујорк Рејнџерс (11)
Њујорк Ајлендерс (7) - Флорида Пантерс (10)
Торонто Мејпл Лифс (8) - Колумбус Блу Џекетс (9)
Западна конференција квалификации:
Едмонтон Ојлерс (5) - Чикаго Блекхокс (12)
Нешвил Предаторс (6) - Аризона Којотис (11)
Ванкувер Канакс (7) - Минесота Вајлд (10)
Калгари Флејмс (8) - Винипег Џетс (9)
Пресметките ќе се играат по принципот подобар од 5 натпревари.