Новак Ѓоковиќ повеќе не е најдобриот тенисер во светот според актуелната АТП ранг-листа, на која ја зазема седмата позиција, но по сите можни параметри е најдобриот што некогаш се појавил во овој спорт.

Кога станува збор за Грен слем титули, Ноле освои 24, што е најмногу во машка конкуренција, а исто толку трофеи има и легендарната Маргарет Кортс во женска, па Новак има нов предизвик во 2025 година - како да се освои 25-тата Грен слем титула.
Токму затоа фокусот ќе биде ставен на тие четири турнири во наредната година.
Првата можност за тоа ќе биде во јануари, кога на програмата е Австралија опен, турнирот кој најмногу му се допаѓа на Ѓоковиќ и на кој има триумфирано дури 10 пати, а пред да зачекори на теренот во Мелбурн ќе учествува на турнирот во Бризбејн.
Споменатиот турнир, кој започнува на 29 декември и ќе трае до 5 јануари следната година, ќе биде специфичен и по тоа што Новак Ѓоковиќ ќе игра во двојки со домашниот тенисер Ник Кирјос.
„Гладен сум за успех. Сакам да освојувам трофеи, особено оние на Грен слем турнирите, а моето тело ми испраќа сигнали дека сѐ уште може да се натпреварува на највисоко ниво. Мојата цел е да продолжам да пишувам историја и да ги поместувам границите“, рече Ѓоковиќ и додаде:
„Токму тоа е една од причините зошто решив мојот нов тренер да биде Енди Мареј. Сè уште имам големи планови, амбициозен сум и сѐ додека е така ќе бидам на теренот“.
Novak Djokovic is confident he can still win Grand Slams, starting at the Australian Open, with the Serbian kick-starting his bid for an unprecedented 11th title and record 25th major crown in Brisbane this week. https://t.co/HDLgZmsiuO
— The Japan Times (@japantimes) December 25, 2024