Македонија ќе има двајца претставника на претстојните Зимски олимписки игри кои ќе се одржат во Пекинг и тоа двајцата во нордиско скијање.
Крушевчанецот Ставре Јада, за кого ова ќе биде втора Олимпијата откако беше знаменосец пред 4 години во Сеул, има А норма за Пекинг каде ќе настапи во две дисциплини: на 1,5 километри спринт и на најтешката дисциплина - 50 километри.
„Олимпијада е сонот на секој спортист, но патот до таму е еден од најтешките, да се совладаат сите препреки, сите критики, да се заборави ноќниот живот, да се стане секое утро во 7 часот, да се направат два тренинга во денот од околу 40-60 km, да се биде дома и со најблиските 60 дена од вкупно 365 во годината, професионалниот спорт бара жртва - или СИ или НЕ. Втора Олимпијада за мене, целта е подобро претставување од претходната олимпијада во 2018“, вели Јада.
За Ана Цветановска ова ќе биде прво олимписко искуство. И таа обезбеди А норма, а ќе учествува на трката на 10 километри класично и во скијатлон 7,5 километри во класичен и 7,5 километри во слободен стил.
Јада и Цветановска моментално тренираат во Италија, а во Македонија ќе дојдат пред заминувањето за Пекинг каде Игрите ќе се одржат од 4 до 20 февруари.
На Олимпијадата ќе ги придружува и тренерот Борче Јованоски.