Репрезентацијата на Норвешка ја оствари потребната победа над Исланд и стана третата репрезентација која обезбеди полуфинале на ракометното ЕУРО.
Норвежаните почнаа фуриозно и на почетокот водеа со 7:0 што се чини дека беше и решавачко на овој натпревар. Исланѓаните цело прво полувреме беа нокаутирани, а најголемката разлика гласеше плус 8 за Норвешка.
После паузата Исланд успеа да ја намали разликата, но сѐ што направи беше тоа што дојде на минус 3. Во целиот натпревар Исланд во ниту еден момент не поведе, а нерешено имаше само на стартот кога беа оние почетните 0:0.
Сандер Сагосен со 9 голови беше најефикасен, а голманот Торбјерн Бергеруд одбрани 13 исландски удари. Кај Исланѓаните Олафур Гудмундсон постигна 5 голови.
Норвешка сега е сигурен полуфиналист, но не ѝ е сигурно првото место бидејќи во последното коло игра со Словенија која има два бода помалку.
Табела група II:
1. Норвешка 8 (4) 124:105
2. Словенија 6 (4) 108:99
3. Унгарија 4 (3) 82:82
4. Исланд 2 (4) 101:110
5. Португалија 2 (4) 112:116
6. Шведска 0 (3) 64:79