Скоро сите нови автомобили што се продаваат во Норвешка се електрични.
По кратко затишје, Норвежаните повторно постигнаа нов рекорд во префрлање на електрични возила.
Верувале или не, во текот на август уделот на електричните автомобили на пазарот на нови возила во Норвешка изнесуваше неверојатни 94 проценти.
Во текот на август се регистрирани 10.480 нови електрични автомобили. Од почетокот на годинава се продадени 78.832 нови автомобили, од кои 68.435 или 87 отсто се електрични.
Најпродаван модел е Tesla Model Y со 2.107 продадени примероци во август и удел од 19 проценти. Следи Volvo EX30 на второ место со 932 регистрации, а потоа Škoda Enyaq, Volkswagen ID.4, Toyota bZ4X и други.
„Ниту една земја во светот не е ни блиску до трката со електрични автомобили што ја доживуваме сега во Норвешка“, рече директорот на националниот совет за информации за патниот сообраќај, Ојвинд Солберг Торсен. „Продолжувајќи го овој тренд, ние сме во процес на постигнување на целта од 100 проценти автомобили со нулта емисија до 2025 година.“
Клучната причина зошто електричните возила се толку популарни во Норвешка, главно се сведува на стимулации. Оние кои купуваат или изнајмуваат електричен автомобил се ослободени од данок на издувни гасови и ДДВ. Тие, исто така, се квалификуваат за најмалку 50 проценти намалување на таксите за патишта и патарините, а во некои области имаат право на пониски такси за паркирање.
