Босна и Херцеговина во последните 24 часа регистрираше 432 нови случаи на COVID-19 од вкупно 1.756 направени тестови.
Во Федерацијата БиХ биле направени анализи на 1.207 тестови и потврдени се 309 нови случаи на SARS-CoV-2, а во Република Српска 123 новозаразени.
Во Федерацијата БиХ досега се тестирани 87.108 примероци, а вирусот е потврден кај 6.851 лице, од кои 3.379 жени и 3.472 мажи.
Заклучно со денеска, во Федерацијата се оздравени 3.511 пациенти, а има 3.181 активен случај на COVID-19.
Од вкупно 159 потврдени смртни исходи од болеста во Федерацијата БиХ, 103 биле мажи, а 56 жени. Шест пациенти починале во изминатите 24 часа.
