Каталонскиот клуб Барселона денеска објави дека нивниот долгогодишен дефанзивец и лидер на одбраната, Џерард Пике, го продолжил договорот со клубот до 2022 година и со тоа двете страни ја докажаа меѓусебната лојалност.
Џерард Пике е многу често мета на критики поради неговите политички ставови и приврзаност кон Каталонија, но на теренот секогаш е тука да му помогне на тимот да дојде до победи, па токму затоа и беше награден со нов договор.
Откупната клаузула во новиот договор на Пике изнесува 500 милиони евра, со што Барселона скоро сигурно го одбива интересот за дефанзивецот од другите клубови кои беа заинтересирани за неговите услуги.
Тој за Барселона одигра 422 натпревари и постигна 37 погодоци, а за целото тоа време освои дури 25 трофеи, од кои 6 титули првак на Шпанија и три титули од Лигата на шампионите.