Најпрепознатливата афро-фризура во фудбалскиот свет повеќе ја нема. Маруан Фелаини по долги години реши дека е време да ја скрати косата и сега изгледа како сосем нов човек. Ќе биде чудно додека да се навикнеме на новиот изглед на секогаш уникатниот Белгиец.
Како оваа недела да не беше доволно стресна, сега Фелаини им нанесе дополнителни стресови на навивачите на Манчестер Јунајтед.
Само неколку дена откако неговиот тим беше поразен во градското дерби од страна на Манчестер Сити, Маруан Фелаини реши дека сега е моментот кога треба да се препушти на нов почеток. Тој посети бербер и ја скрати косата за да го одбележи новиот старт.
Фелаини за потстрижувањето се пофали на неговиот Instagram профил, каде потенцираше дека ја скратил косата по повод неговиот 31-ви роденден. Под фотографијата тој напиша „Нова година, нов изглед“ заедно до хаштагот #birthdaytomorrow, со што го привлече вниманието бидејќи сите извори наведуваат дека неговиот роденден е на 22 ноември.
Има нешто чудно кај Фелаини кога ја нема афро-фризурата. Може да се направи аргумент дека тој беше најпрепознатлив по фризурата, бидејќи ниту еден негов фудбалски квалитет не е толку истакнат за да биде споменат.
Миленикот на Жозе Мурињо минатото лето го продолжи договорот со Манчестер Јунајтед со што се обврза за соработка со клубот до летото 2020 година. Ситуацијата во Јунајтед не е сјајна, но во последниот месец составот покажа желба за надигрување, па навивачите можат барем да се надеваат дека тимот оди во правилна насока.
