Светската престолнина на луксузот Дубаи, би требало да добие уште еден интересен и единствен објект – првиот хотел со сопствена прашума.
Отворањето е планирано за оваа 2018 година, а хотелот би требало да се простира на 185.800 квадратни метри и да поседува вештачка плажа.
Луксузната градба, меѓу другото, на 25 кат ќе има и базен со стаклено дно преку кое ќе може да се гледаат улиците во Дубаи, како и бројни други содржини замислени за максимално уживање на гостите.
Зад проектот „Rosemont Five Star Hotel & Residences“ стои компанијата „ZAS Architects“, а според нацртот, хотелот всушност ќе го сочинува кула од 47 ката.
Од 185.800 квадратни метри на кои ќе се простира хотелот, речиси 7.000 ќе бидат под прашума.
На врвот на зградата ќе се наоѓа џунгла со водопади и потоци.
Гостите во хотелот ќе можат да уживаат и во куглање, парк со тобогани и многу други занимливости.