Жените веќе не се толку заинтересирани да носат традиционална бела венчаница. Сѐ поголем број од нив се одлучуваат за црна боја.
Како што објави CNN, во последната година има зголемување на пребарувањата за терминот „црна венчаница“ на Google. Во текот на есента 2021 година повеќе се пребарувала црната венчаница отколку белата. Брендот David's Bridal моментално нуди голем број црни венчаници поради барањата на клиентите.
Лора МекКивер, менаџер на David's Bridal, изјави за CNN дека еволуирал концептот на она што се смета за традиционално.
„Паровите повеќе не сакаат да ги следат воспоставените правила. Жените кои мораа да ги одложат свадбените церемонии поради пандемијата сега сакаат нивниот ден да биде апсолутно посебен. Освен црните венчаници, многу жени претпочитаат да носат патики наместо неудобни штикли“, објасни таа.
Инаку, традицијата на носење бела венчаница датира уште од времето на кралицата Викторија. Носела таква во 1840 година кога се омажила за принцот Алберт од Сакс-Кобург. Ја избрала белата боја затоа што сакала да ја одрази нејзината чистота и способност да владее со Велика Британија.
Инаку, боите на венчаниците кои моментално се исто така популарни низ светот се сина, црвена и виолетова.
