Руското министерство за одбрана соопшти дека некои трупи, сместени на границата со Украина, се враќаат во своите бази по завршување на воените вежби.
Но, продолжуваат голем дел од вежбите ширум земјата, пренесе агенцијата Интерфакс.
Ова е нов момент кога станува збор за ситуацијата со Украина. Русија има присуство на силни трупи на границата со Украина во текот на одржување воени маневри.
Вежби паралелно се одржуваат и во соседна Белорусија, која е сојузник на Москва. Западот предупреди на опасност дека Русија ги користи воените вежба за да изврши инвазија на Украина.
Уште од почетокот на обвинувањата, Москва ги отфрла ваквите обвинувања и истакнува дека нема намера да ја нападне соседна Украина.
Американски функционери претходно изјавија дела инвазијата на Украина може да почне на 16 февруари.
Претседателот на Украина, Володимир Зеленски синоќа се обрти на нацијата и соопшти дека има информации нападот да се случи на 16 февруари. Ги повика Украинците на единство, рамо до рамо со војската да се одбранат од руската инвазија.
Во меѓувреме, рускиот министер за одбрана Сергеј Шојгу го извести рускиот претседател Владимир Путин дека Москва заврши со одреден дел од воените вежби кои се одржуваат ширум земјата.
