По краткото закрепнување, клучните индекси на американскиот Волстрит повторно вртоглаво потонаа.
Индексот Доу Џонс Индатсријалс изгуби 1.032 бода или 4,2% и падна на 23.860 бода, што е за 10% пониско од рекордот постигнат пред неколку недели.
Според „Вашингтон пост“, до новиот пад дошло поради сѐ поголемата загриженост и страв на инвеститорите дека може да се забрза растот на каматните стапки.
Освен Доу Џонс Индастријалс, индексот што го сочинуваат 30 водечки американски индустриски компании, голем пад забележа и технолошкиот Насдак и општиот С&П 500 кои паднаа за повеќе од 3%.
Дополнително загрижува фактот дека овие масовни падови се случија со промет што е а 50% поголем од просечниот.
