Тимот со најдобар скор сезомнава го претрпе четвртиот пораз откако неочекувано потклекна на домашен терен во дуелот со Сан Антонио Спарс.
Во „Чејс Сентр“ арената во Сан Франциско лидерот на Западната конференција и општо најдобар тим сезонава во НБА, Голден Стејт Вориорс, загуби со 107:112 од Сан Антонио Спарс кој е 12-ти на Западот.
Гостите од Сан Антонио беа предводени од Дерик Вајт кој постигна 25 поени, како и од Деџонте Мареј кој забележа дабл-дабл од 23 поени и 12 скока, а постигна и 7 асистенции. Границата над 20 поени ја мина и Лони Вокер со 21 поен. Најефикасен на паркетот беше домашниот кошаркар Стеф Кари со 27 поени.
Спарс се во низа од 4 победи по ред и полека се искачуваат на табелата, но сѐ уште се надвор од местата кои водат во разигрувањето.
За Вориорс ова е четврти сезонски пораз, а втор во последните три натпревари откако во средата загубија кај Феникс Санс со кој сега имаат идентичен скор на врвот од Западот.
Њујорк Никс - Денвер Нагетс 99:113
Бруклин Нетс - Чикаго Булс 107:111
Милвоки Бакс - Мајами Хит 124:102
Далас Маверикс - Мемфис Гризлис 90:97
Голден Стејт Вориорс - Сан Антонио Спарс 107:112
Портланд Треил Блејзерс - Бостон Селтикс 117:145
Санкраменто Кингс - Лос Анџелес Клиперс 104:99
