Во најквалитетната кошаркарска лига во светот ноќеска се одиграа 7 натпревари, а нешто поуспешни беа гостите кои забележаа 4 победи.
Ноќта ја отвори дуелот меѓу Кливленд Кавалирс и Филаделфија 76ерс, а на крајот славеа гостите со 118:109, со одлична партија што ја пружи Камерунецот Жоел Ембиид со дабл-дабл учинок од 36 поени и 18 скока.
Го следеше Џејмс Харден со 28 поени, додека кај поразениот тим се истакна Карис ЛеВерт со 24 поени.
Со тоа Филаделфија ја продолжи победничката серија која сега трае веќе 6 натпревари.
Мајами Хит на домашен терен го победи Мемфис Гризлис со 138:119, а до победата предводеа Бем Адебајо кој постигна 26 поени и Тајлер Хироу кој натпреварот го заврши со 24 поени. Џерен Џексон од Мемфис постигна 25 поени и беше најефективниот играч на својот тим.
Хјустон му нанесе нов пораз на Лос Анџелес Лејкерс, 36-ти оваа сезона. Резултатот беше 114:110. Кевин Портер го предводеше Хјустон и за еден скок не направи дабл-дабл откако натпреварот го заврши со 27 поени, 9 скока и 6 асистенции. Кај Лејкерс најдобар беше Остин Ривс со 24 поени, а дабл-дабл имаше Џеред Вандербилт со 13 поени и 10 скокови.
И покрај победата, Хјустон останува закован на дното од Западната конференција.
Далас Маверикс без повредените Лука Дончиќ, Кајри Ирвинг и Тим Хардавеј успеа да победи на гости кај Сан Антонио Спарс со 137:128, но по продолжение. Двајца играчи на Далас остварија дабл-дабл и тоа Крисчн Вуд со 28 поени и 13 скокови и Реџи Булок со 20 поени и 13 скокови. Кај поразениот домаќин Келдон Џонсон уфрли 27 поени со 8 скокови.
Ова е прва победа за Далас по трите порази во низа.
Резултати:
Кливленд Кавалирс - Филаделфија 76ерс 109:118
Мајами Хит - Мемфис Гризлис 138:119
Чикаго Булс - Сакраменто Кингс 114:117
Хјустон Рокитс - Лос Анџелес Лејкерс 114:110
Минесота Тимбервулвс - Бостон Селтикс 102:104
Сан Антонио Спарс - Далас Маверикс 128:137 прод.
Лос Анџелес Клиперс - Голден Стејт Вориорс 134:126
Табела:
