Нов голем расистички скандал ја тресе Италија откако обезбедувањето не сакало да го пушти напаѓачот на Аталанта Дуван Запата во банката каде има сметка и каде имал закажан термин, пишува Gazzetta dello Sport.
Запата се обидел да влезе во зградата на Fideuram, приватна банка во Бергамо каде што имал состанок со својот личен финансиски советник.
Обезбедувањето го запрело кога стигнал до вратата и не го пуштило да влезе во банката, а наводно бил запрен затоа што носел тренерки и качулка и им бил многу сомнителен.
Италијанските медиуми пишуваат дека од обезбедувањето наводно му рекле дека „ова не е местото за него“, додека Запата останал смирен и се обидел да го докаже својот идентитет на обезбедувањето.
Сè смирил вработен во банка, кој излетал и на службениците од обезбедувањето им кажал дека напаѓачот на Аталанта е редовен клиент на банката.
Банката соопшти дека обезбедувањето е надворешно, а не она на платниот список на самата институција.
Да потсетиме, неодамна одбојкарката Паола Егона низ солзи се закани дека ќе ја напушти италијанската репрезентација откако на социјалните мрежи беше навредувана на расна основа и беше истакнувано дека „не е ни Италијанка“.
