Кошаркарите на Голден Стејт Вориорс изминатата ноќ забележаа победа во Далас со 112:87 и се запишаа во историјата на НБА лигата.
Вориорс ја предводат лигата со 57 победи, а триумфот во Далас беше 28 на гостински терен за овој тим во тековната сезона. Со оваа победа Вориорси влегоа во историјата на НБА лигата како прв тим кој три сезони по ред бележи најмалку 28 победи на гостински терен.
До триумфот во Далас екипата на Стив Кер ја предводеа Клеј Томпсон со 23 поени (пет тројки) и Стеф Кари со 17 поени и девет асистенции.
