Нов земјотрес со јачина од 5,1 степени по Рихтер го погоди подрачјето во Драч во Албанија. Овој земјотрес е еден од најсилните кои го погодија ова подрачје по разорниот земјотрес во вторникот во кој загинаа 40 лица.
Епицентарот на земјотресот е на длабочина од 2 километри, а забележан е на 25 километри од Драч, односно 48 километри од главниот град Тирана. Засега нема информации за нови жртви или за срушени објекти.
Земјотресот се случи во Јадранското Море, а според новите информации предизвика нова паника и загриженост кај жителите на Албанија кои две ноќи спијат под отворено небо.
Во земјотресот кој се случи во вторникот, загинаа најмалку 40 луѓе, а повеќе од 600 се повредени.