Песочната сол во северозападна Јута беше сведок на новиот рекорд за брзина постигнат од земјено возило со тркала. „Ракетниот“ автомобил Vesco Turbinator II постигна брзина од неверојатни 777 км/ч.
Звукот на Turbinator II е ист како оној на авион во полетување, а тоа станува логично кога ќе дознаете дека во него всушност има мотор од хеликоптер модел Chinook.
Рекордот беше поставен овој петок, 14 септември, во Боневил, Јута. Најпрво Turbinator II постигна брзина од 782 км/ч, за во саботата да го подобри рекордот за еден километар повеќе – 783 км/ч, возејќи низ правливата пустинска сол.
Ова возило припаѓа на тимот на Vesco, кој беше носител и на претходниот рекорд, кој изнесуваше 756 км/ч. Претходниот рекорд беше поставен во август оваа година, на истата патека поставена на пустинска сол. Следната цел на тимот е да ја надмине границата од 804 км/ч (500 милји на час) и да постави недостижен рекорд за копнена брзина.
На видеото може да се види првиот пат кога Turbinator II го постави рекордот за најголема брзина во август, кога достигна 756 км/ч.
Импресивно е да се види возило кое се движи толку брзо по површината. Секоја секунда Turbinator II поминуваше должина од два фудбалски терени – факт кој вистински ја прикажува брзината со која се движеше низ пустината.