Еден полицаец е убиен во вооружена пресметка во Париз, а двајца се повредени. Во нив пукало непознато лице кое подоцна е ликвидирано. Одговорноста за нападот ја презеде Исламска држава.
Од документите останати во автомобилот на напаѓачот полицијата го дозна неговиот идентитет, но тоа се уште не е соопштено на јавноста. Локалните медиуми пишуваат дека станува збор за 39-годишен маж кој живеел во предградие и го опишуваат како потенцијален исламистички радикал.
Според BBC, идентитетот на напаѓачот е потврден и познат. Францускиот тужител Франсоа Молин не сака да го открие, бидејќи истрагата е во тек. Според француските медиуми, напаѓачот неколку години бил во затвор поради пукање на полицајци во 2000 година.
Терористичката група Исламска држава ја презеде одговорноста за нападот и во соопштение откри дека напаѓачот е Абу Јусуф ал-Балјики.
Вчера вечерта напаѓачот со автомобил застанал пред полициско комбе. Излегол од автомобилот и почнал да пика со автоматско оружје. Полицајците возвратиле и го убиле.