Американската компанија за изнајмување камиони U-Haul International соопшти дека почнува нова пракса и нема да вработува „корисници на никотин“ односно пушачи на цигари, како и корисници на електронски и алтернативни испарливи цигари.
Компанијата ја најави својата „кадровска политика без никотин“ за од 1 февруари, која ќе стапи во сила во 21 сојузна држава во САД. Во секоја од тие 21 сојузна држава дозволено е да не се вработуваат луѓе зависни од никотин. Освен тоа, работодавците во 17 од нив имаат законска дозвола да ги тестираат своите вработени на никотин.
Претставници на фирмата истакнуваат дека нема да бидат отпуштени пушачите кои веќе се вработени во компанијата.
U-Haul International во има околу 34.000 вработени ширум САД и Канада.
Ваквиот тренд на „кадровска политика без никотин“ го почнаа некои болници и други здравствени установи во САД, главно со цел да заштедат на трошоци за здравствено осигурување за вработените.
Авиокомпанијата Alaska Airlines е пионер по ова прашање – ова е пракса во компанијата уште од 1985 година, со цел да се намалат расходите за здравствена заштита, како и здравствените последици од пушењето. Авиокомпанијата го забранува пушењето во околината на своите простории, на аеродромите, па дури и надвор во нивна непосредна близина.