Премиерот на австралиската држава Викторија, Даниел Ендрјуз не го промени мислењето – на невакцинираните тенисери и тенисерки не треба да им се дозволи да влезат во Австралија.
Неговата изјава следи откако премиерот Скот Морисон наговести дека учеството ќе им биде дозволено со карантин.
Морисон вчера соопшти дека на невакцинираните играчи ќе им биде дозволено да учествуваат на Австралија Опен по 2-неделен карантин под услов државата Викторија да побара ваква дозвола.
Ендрјуз порача дека неговата држава нема да поднесе такво барање, пишува Reuters.
„Поради секој жител кој се вакцинирал нема да поднесеме барање за невакцинирани играчи“.
Границите на Австралија се затворени 18 месеци поради пандемијата COVID-19. Викторија е најтешко погодената држава на Австралија, а последниот карантин е завршен во петок но само за лица кои примија две дози.
„Истите правила важат за сите, без разлика дали станува збор за победник на грен слем, премиер, студент или кој било“ – изјави премиерот Морисон за Seven news.
Новак Ѓоковиќ минатата недела одби да каже дали е вакциниран.
