Нов удар за Путин - најмоќната руска технолошка компанија ја напушта Русија

Матичната компанија на најмоќната руска технолошка компанија Yandex сака да ги прекине сите врски со земјата за да ги заштити своите нови компании од последиците на војната во Украина.

Ова може да ги попречи плановите на Путин да развие домашни замени за високотехнолошките стоки кои доаѓаат од Запад, пишува New York Times.

Yandex, холандска компанија која често се нарекува „руски Google“, ќе ги носи своите најперспективни нови технологии на пазарите надвор од Русија и ќе ги продава постоечките деловни операции во земјата, вклучувајќи го популарниот интернет прелистувач, фирмите за испорака на храна и апликациите за такси превоз, изјавија заTimes луѓе вклучени во продажбата на компанијата.

Според нив, планот на компанијата е да се заштити од домашниот руски пазар и катастрофалниот ефект на западните санкции, кои би можеле да се прелеат на компании надвор од Русија. Тие додадоа дека по инвазијата на Украина, развојот на нови технологии, како што се самоуправувачките автомобили, вештачката интелигенција и „Облак“ услугите стана невозможен. Ваквите операции кои бараат пристап до западниот пазар едноставно би пропаднале.

Продажбата мора да биде одобрена од Кремљ

Руската филијала на Yandex ќе продолжи да ги нуди истите производи во земјата под новите сопственици, рече второто лице запознаено со ова прашање, но не е јасно дали продажбата ќе се реализира. Имено, компанијата мора да добие одобрение од Кремљ за пренос на лиценци за технологија регистрирани во Русија надвор од земјата, изјави едно од инволвираните лица.

Исто така, ќе треба да најде купувачи, најверојатно во Русија, за да го пренесе бизнисот, а целокупниот план за реструктуирање ќе треба да биде одобрен од акционерите на Yandex. Планот на Yandex моментално е поддржан од Алексеј Кудрин, генералниот ревизор на руската влада и доверлив човек на Путин.

Кудрин, еден од ретките истакнати економски либерали кои останаа во руската влада, работи неформално за компанијата, но се очекува да преземе менаџерска улога во иднина. Се очекува Кудрин да се сретне со Путин оваа недела за да разговара за иднината на Yandex и други теми, изјави еден извор за Times.

Изгубени милијарди

Западните санкции веќе успеаја да нанесат голема штета на некогаш успешната компанија. Цената на акциите на Yandex со кои се тргува Москва падна за 62 отсто во изминатата година. Акциите на компанијата на берзата во Њујорк изгубија повеќе од 20 милијарди долари во вредност пред берзата Nasdaq да го прекине тргувањето по руската инвазија.

Илјадници вработени во Yandex ја напуштија Русија од почетокот на инвазијата. Во март, тогашниот заменик извршен директор на компанијата, Тигран Кудаверџан, во објава на Facebook ја нарече инвазијата „монструозна војна“.

И покрај ова, Европската Унија во март воведе санкции против Кудаверџан поради улогата на Yandex во промовирањето на воениот наратив на Кремљ. Неговиот шеф, основачот на компанијата со седиште во Израел, Аркадиј Волож, беше погоден со санкции неколку месеци подоцна. И двајцата дадоа отказ од компанијата за да и овозможат да продолжи со работа во Европа.

Тагови
реклама

Падна нов договор за цената на руската нафта

Read more

Експерименталната вакцина против ХИВ е успешна кај 97% од испитаниците

Read more

Нефудбалските моменти меѓу Србија и Швајцарија: Провокации на сите страни

Read more

Бојата на столицата може да открие дали имате висок холестерол

Read more

Бизнис

Падна нов договор за цената на руската нафта

Read more

НЛБ Банка прогласена за „Банка на годината за 2022“ од The Banker

Read more

H&M ќе отпушти 1.500 вработени

Read more

ЕУ ќе бара до 2030 година сите амбалажи да може да се рециклираат

Read more
 

Вести

МВР: Немало закани, ниту напад кон полициски службеници во Арачиново

Читај повеќе

Украдено возило на Итната помош во Општата болница во Кочани

Читај повеќе

Дали Путин ќе ги искористи мировните преговори за обнова на армијата?

Читај повеќе

Претставен новиот нуклеарен бомбардер B-21 на американската армија

Читај повеќе

Магла на Стража

Читај повеќе

Падна нов договор за цената на руската нафта

Читај повеќе

Колку украински војници во моментов се обучуваат во ЕУ?

Читај повеќе

Стојковски: Долгот кон приватните превозници е наследен

Читај повеќе

Облачно со слаб до умерен ветар

Читај повеќе