Нов, уште посилен, земјотрес денеска го погоди Нов Зеланд, со јачина од 7,4 степени според Рихтеровата скала, а епицентарот бил во близина на островот Кермадек.
Ова е втор земјотрес со јачина од над седум степени за само неколку часа.
Претходно денеска Нов Зеланд беше погоден од земјотресот со јачина од 7,3 степени, соопшти американскиот Сеизмолошки центар и веднаш потоа беше издадено предупредување за цунами.
Брановите на цунами може да се формираат на 270 километри од епицентарот на земјотресот, соопшти Пацифичкиот центар за предупредување за цунами.
Властите на Нов Зеланд ги предупредија граѓаните што живеат во близина на брегот што побрзо да се евакуираат.