Онлајн-шопингот во Кина достигна ново ниво откако два авиони „боинг 747″ беа продадени на платформата на „Alibaba“, „Taobao“, што претставува прва успешна интернет-аукција преку која се купени патнички авиони.
Авионите ги купила кинеската компанија за карго-транспорт, „SF Airlines“, за повеќе од 320 милиони јуани (48 милиони долари).
Интересно е тоа што авионот беше ставен на аукција од Народниот суд на градот Шенжен Сити, кој ги заплени двата авиона по банкротот на компанијата „Jade Cargo International“ во 2013 година.
Судот организираше шест обични аукции од 2015 година. Но, сите обиди за продажба беа неуспешни. Конечно, беше одлучено да се објават за аукција на платформата „Taobao“, кинески еквивалент на „eBay“.
Меѓутоа, дури и оваа аукција не беше целосно успешна бидејќи судот понуди три авиони за продажба, но еден остана непродаден со почетна цена од 18 милиони долари.