Кога се појавија автоматските менувачи со „двојно“ квачило, беа многу популарни, најмногу поради исклучително брзото менување брзини, а сега класичните автоматски менувачи стануваат сè попопуларни.
Поради тоа, BMW реши да се откаже од менувачот со две квачила, што особено ќе се одрази на серијата М, каде ваквите менувачи беа исклучително популарни.
Според германскиот автомобилски гигант, осумстепениот автоматски менувач е многу подобра опција и ќе се користи сѐ повеќе во иднина, а што се однесува до перформансите, нема да изгуби ништо во споредба со седумстепениот менувач со две квачила.
Компанијата BMW планира да инвестира многу во електрични автомобили и повеќе не ѝ се исплати да работи на развој на менувачи со две квачила.
