Меѓу израелските Евреи и израелските Арапи избувна жестока борба и таа е поопасна од конфронтација со Хамас во Газа, предупредува Питер Мунк, новинар во германскиот весник Süddeutsche Zeitung.
Израел минува низ тешки денови, но земјата е навикната на војни. Искуството покажува: гранатите паѓаат, но во одреден момент ќе завладее мир. Но, сега, среде новата битка за Газа, има неочекувано отворен нов фронт, што на крајот може да биде далеку поопасен од конфронтација со надворешниот непријател. На крајот, оваа линија на фронтот минува точно низ Израел, предупредува Мунк.
Арапското малцинство сочинува околу 20 отсто од вкупно 9 милиони жители на Израел, а во многу градови има мешано население.
Оттаму доаѓаат алармантните снимки и вести. Арапската толпа во Лод, поттикната од борбите околу џамијата Ал-Акса во Ерусалим, која запали синагоги, започна со грабежи на продавници. Брзо како оган, насилството се прошири низ целата земја и веднаш се појавија улични екстремисти кои маршираа низ улиците извикувајќи „Смрт за Арапите“.
Зборуваме за „Кристална ноќ во Лод“, а претседателот Реувен Ривлин зборува за „граѓанска војна“, премиерот Бенјамин Нетанјаху предушредува на „анархија“. Ситуацијата навистина се заканува да излезе од контрола и ова ги загрозува темелите на државата, коментира Süddeutsche Zeitung.
Соживотот на Евреите и Арапите во Израел отсекогаш бил кревок. Иако во 1948 година основачот на државата, Давид Бен-Гурион, отворено им ги гарантираше на арапските граѓани истите права како и за Евреите, всушност тие живееја во паралелно општество (…) Арапското малцинство отсекогаш било игнорирано од државата.
Ерата на Нетанјаху додаде уште една компонента: насочено малтретирање и дискриминација, а законот за национална држава усвоен во 2018 година ги претвори израелските Арапи во граѓани од втор ред. Поделбата создадена од Нетанјаху е делумно одговорна за фактот дека толпи Арапи и Евреи сега прават хаос на улиците.
Околу Газа, оружјето еден ден ќе стивне. Како и во претходните војни меѓу израелската армија и палестинското движење Хамас, двете страни ќе продолжат да се расправаат од двете страни на фронтот. Во Израел, меѓутоа, луѓето ќе мора да продолжат да живеат заедно и итно да најдат нова рамнотежа.