Првиот светски рекет Енди Мареј го заврши учеството на првиот грен слем во сезоната, Австралија Опен. Британецот во четвртото коло загуби од Миша Зверев, кој се наоѓа на педесеттото место на АТП листата.
Австралија Опен во првата недела од турнирот остана без првиот и вториот носител. Откако пред три дена Денис Истомин во пет сета и по пет часа игра го елиминира Новак Ѓоковиќ, денеска Миша Зверев во четири сета му пресуди на Мареј.
Првиот носител немаше одговор за играта на Зверев, кој најчесто ја форсираше сервис-волеј играта и во ниту еден момент не отстапи од тој план.
Зверев на крајот победи 7:5, 5:7, 6:2, 6:4, го мина четвртото коло и го израмни својот најдобар резултат на грен слем турнирите.