Ако сте љубители на ТВ-серии, особено на добри драми и црни комедии, оваа есен ќе имате нови наслови на репертоарот.
„Living with Yourself“ е нова серија на стриминг платформата Netflix, егзистенцијална комедија што го поставува прашањето: Дали навистина сакаме да бидеме подобри?
Мајлс Елиот е човек кој се мачи да се пробие низ животот. Ќе одлучи да направи нов спа третман што ветува дека ќе го направи „подобра личност“, но дури подоцна ќе дознае дека во меѓувреме всушност бил заменет, буквално, со подобра верзија на него.
Пол Рад ја игра главната улога во приказната раскажана од неколку перспективи, со преплетени животи, сместена во осум епизоди.
Сценариото е на Тимоти Гринберг, добитник на награда Еми, а режијата на Џонатан Дејтон и Валери Фарис.
„Living with Yourself“ има премиера на 18 октомври на Netflix. Првиот трејлер за серијата може да го погледнете ТУКА.
